中大天文藝墟

終於有藝墟喇🤩🤩 聽日同後日連續兩日,我哋都會喺百萬大道A3️⃣攤位擺攤(兆龍樓附近)✨✨行過經過記得過嚟望下喇!到時可以申請做會員同買靚靚souven😍記住快啲過嚟訂購喇😎不過趕唔切買嘅朋友仔都可以落訂㗎😉我哋到時仲有機會擺望遠鏡出嚟show畀大家睇添🔭 1️⃣3️⃣/9️⃣(一):時間:13:00-18:00地點:百萬大道A3攤位 1️⃣4️⃣/9️⃣(二):時間:11:00-18:00地點:百萬大道A3攤位 難得今年有返實體藝墟,大家千祈唔好錯過喇🤪 #藝墟#實體藝墟返嚟喇#百萬大道#靚靚souven啫係咩#嚟到咪知囉#保你唔會失望#做埋會員就fit爆

中大天文招下莊!

中大嘅同學仔們,有返face-to-face係唔係好開心呢😆😆唔知各位fm 慣唔慣大學生活嘅節奏,但講到大學生活,又點可以唔提上莊呢🔥🔥 我哋中大天文嚟緊將會搞迎新夜,想識下朋友、接觸下天文嘅就記住參加喇✨✨噉當然就唔少得傾莊啦,中天其實係支點嘅莊呢🌊有啲咩活動呢💡究竟咩人適合上中天呢🔑上中天又有咩好處呢🪄無論你有無天文底,只要你對天文有興趣,我哋都歡迎你㗎🪐🪐想嚟嘅可以填一填個google form,方便我哋登記資料😉😉(link in bio)👉🏻https://forms.gle/bQTZFy8DGL8VuwyD8 傾一會緊接喺迎新夜之後馬上開始有意上莊者須出席至少兩次傾莊(包括傾三)方可上莊,而傾三為必須出席詳情如下: 迎新夜/傾一🌌🌌日期:20/9(一)時間:18:30-20:30地點:蒙民偉樓7樓707室 傾二🌠🌠日期:24/9(五)時間:19:30-21:30地點:蒙民偉樓7樓LT2 傾三(成莊)🎇🎇日期:29/9(三)時間:19:30-21:30地點:蒙民偉樓7樓707室 #招下莊 #迎新 #上中天實無死 #充實ulife #遲啲會有快閃觀星 #記住留意我哋story喇

中學生天文計畫 活動回顧

二零二一年中學生天文計劃已經拉下咗帷幕🎊🎊 再次感激湯兆昇博士 @tongshiusing 喺迎新日嘅講座🙏🏻🙏🏻為今次嘅活動錦上添花🌺🌺 亦要感謝參加者嘅支持🤩🤩希望你哋玩得開心,識到新朋友,學到有趣嘅天文知識🪄🪄 希望以後嘅中計都會一帆風順,暢通無阻🌊🌊#中計#中學生天文計劃#湯兆昇博士#希望大家真心享受今次嘅活動#辛苦晒

21/22 第三期 天文冷知識:皇族星座

今晚就係英仙座流星雨嘅高峰期,係一場非常值得觀測及欣賞嘅天文現象🌠🌠噉大家知唔知同秋季星座有關嘅故事呢?今次等我哋介紹下北天「皇族星座」嘅故事啦,當中包括仙女座、仙王座、仙后座、英仙座,飛馬座及鯨魚座✨✨ 英仙座象徵緊希臘神話嘅英雄柏修斯(Perseus)。佢係宙斯(Zeus)同達那厄(Danae) 所生嘅仔👼🏻👼🏻柏修斯接下咗斬殺蛇髮女妖美杜莎(Medusa)嘅任務。美杜莎有令同自己頭上嘅蛇對視嘅人變成石頭嘅能力,因此依個任務十分艱巨🐍🐍但女神雅典娜(Athena)送咗各樣寶物畀柏修斯,當中包括一塊光滑嘅盾牌🛡🛡柏修斯將盾當作鏡,間接望住美杜沙,最終成功斬下佢嘅頭髗,並得到一隻飛馬作為坐騎☁️☁️ 喺柏修斯騎住飛馬回歸嘅時候,佢喺衣索比亞嘅海岸見到安德洛美達(Andromeda)被綁喺海岸旁嘅岩石上🌊🌊佢係衣索比亞嘅國王克甫斯(Cepheus)同皇后卡西歐佩亞(Cassiopeia)嘅女。卡西歐佩亞曾自誇佢哋兩母女二人比海中嘅女神更漂亮,女神們聽到後十分唔高興,要海神波塞頓(Poseidon)替佢哋出頭💦💦海神派咗海怪凱圖斯(Cetus)破壞衣索比亞王國,克甫斯被迫將女兒獻畀海怪,先成功將其驅趕,換得百姓安全😥😥柏修斯得知事件來龍去脈後,就用美杜莎嘅頭照向海怪,海怪就化為石像並沉入海底,公主亦得以被救🤙🏻🤙🏻 事後柏修斯娶咗安德洛美達。佢哋死後,宙斯將佢哋升到天空成為秋季的星座之一🌌🌌國王成為咗仙王座,皇后成為咗仙后座,公主成為咗仙女座,大英雄成為咗英仙座,連佢嘅坐騎亦成為飛馬座,海怪則成為鯨魚座🪄🪄 希望大家聽完依個神話故事,嚟緊幾晚仰望星空,見到依啲星座嘅時候會有所聯想🥰🥰 #英仙座流星雨#皇族星座#柏修斯#美杜沙#太靚所以要俾阿爸攞嚟喂鯨魚#都係阿媽衰多口

天文攝影工作坊

想認識夏季星空?又想紀錄美麗嘅夜景?噉就要留意喇🌠🌠我哋會聯同崇基攝影學會(@cuhk_ccphotog)舉辦天文攝影工作坊,除咗會喺Zoom講解天文知識同攝影技巧,仲會一齊入西貢嚟個第一身體驗📷📷即刻報名啦🤩🤩 活動詳情: Zoom 事前教學🎮🎮日期:11/8(三)時間:21:00-22:00連結:(稍後公佈) 夜空攝影工作坊🌌🌌日期:13/8(五)時間:18:00-22:00地點:西貢清水灣大坳門風箏場 報名詳情: 名額:各學會10名會員報名日期:即日至6/8(五)報名方式:填妥Google form後提交報名表格:(link in bio) 名額有限,費用全免,歡迎中大天文嘅會員參加,到時見😜😜 #張家朗加油#影星#夜空攝影#天文攝影工作坊#夏季大三角

大合照

二零二一年中學生天文問答比賽完滿結束

二零二一年中學生天文問答比賽已經完滿結束👏🏻👏🏻恭喜得獎嘅同學,希望你哋對天文嘅付出並無白費;無得獎嘅亦唔好灰心,希望你哋對天文嘅熱愛依舊。 要喺疫情期間成功舉辦中問真係一間唔簡單嘅事✨✨再次多謝朱明中教授今次擔任比賽評審同演講嘉賓,以及 @saihang_photography(@hobbyhk_org)嘅贊助☀️☀️ 希望來年可以再次見到大家🌻🌻 #中問#中學生天文問答比賽#朱明中教授#疫情下的天文盛事#辛苦各位

21/22 第二期 天文冷知識:最美行星

最靚嘅行星? 相信大家都可能聽過早前有位年僅17歲嘅NASA暑期實習生發現咗一顆名為TOI 1338 b嘅「少女色星球」🦄🦄依粒行星顏色好夢幻,吸引咗唔少人關注,網上亦廣泛流傳佢嘅「相」。噉其實依粒行星有咩咁特別呢?佢嘅外貌係咪真係咁少女、夢幻呢🧚🏻‍♀‍🧚🏻‍♀‍ 好遺憾,其實網上流傳嘅「相」並非真係一張相📸📸因為依粒行星距離地球1300光年,而大細亦只係地球嘅6.9倍,以現時科技根本無法幫佢影相❌❌其中一張流傳嘅相,其實係透過Squids-among-stars生成出嚟🤖🤖佢係一個喺內華達大學(University of Nevada)修讀計算機科學與工程嘅學生創建嘅bot🧩🧩 張相其實喺TOI 1338 b被發現前嘅幾個月就已經生成咗出嚟,而NASA網頁入面TOI 1338 b嘅動畫亦只係透過電腦軟件摸擬氣體行星出嚟嘅效果💨💨所以粒行星到底係唔係少女粉紅色,實在要等科技更加成熟,試下探測佢嘅成分、大氣活動,先有機會模擬得更準確🧑🏻‍💻👩🏻‍💻 噉既然唔知佢靚唔靚,呢個行星有咩特別之處呢🔥🔥TOI 1338 b,由Wolf Cukier發現。佢透過分析TESS(Transiting Exoplanet Survey Satellite凌日系外行星巡天衛星)依個太空望遠鏡所傳送畀地球嘅數據🛰🛰留意到TOI 1338系統入面,唔單只有2粒恆星彼此兜圈🔄🔄仲有TOI…

全港學界天文問答比賽2021

上年嘅中學生天文問答比賽(簡稱中問)因疫情關係而壽終正寢🥲🥲事隔一年,我哋又再搞喇🚀🚀 中問係一個畀中學生們組隊參加(以學校名義)嘅問答比賽,以往係每年一度嘅盛事❤️‍🔥❤️‍🔥相信唔少中學嘅同學都想喺中問度大展身手🎯🎯顯示下一直以嚟對天文嘅學習成果🧠🧠我哋有幸請到香港中文大學物理系教授,朱明中教授為今年嘅中計擔任評審及講者💡💡希望大家多多支持✨✨比賽詳情如下: 日期:17/7(星期六)時間:08:30-18:00地點:香港中文大學鄭裕彤樓LT1A參賽費用:每隊$150(於比賽當日收取)報名日期:即日至10/7(星期六)報名方法:詳情請參考報名表格(名額有限,先到先得)報名表格:(link in bio) 今年我哋再次嘗試舉辦,實在需要各位有興趣嘅朋友踴躍參與🌠🌠希望熱愛天文嘅中學生們都可以組隊參加,支持一下依個活動。疫情令唔少活動都喺上年空窗咗一年,但中天唔會放棄🥊🥊我哋唔會俾大家忘記依啲活動㗎💪🏻💪🏻 #中問#中學生天文問答比賽#朱明中教授#希望今年搞得成#大家要多多支持

中學生天文計劃2021

「北斗七星明,南原數肩並」🌌🌌 2021年,中學生天文計劃返嚟喇🤩🤩 以往每年,中大天文都會舉辦中學生天文計劃(簡稱「中計」),希望參加者可以喺遊玩中接觸宇宙嘅奧秘🪐🪐可惜,上年嘅中計因疫情而告吹,我哋都好唔開心🌧🌧事隔一年,大家對於抗疫都更加熟悉,我哋希望各位對天文有熱誠嘅中學生可以珍惜機會,互相交流下,一齊喺依個夏天創造回憶✨✨ 如果你係2️⃣0️⃣2️⃣0️⃣至2️⃣0️⃣2️⃣1️⃣年度嘅中三至中六同學,而你又想識一班同樣對天文有興趣嘅朋友,噉就要嚟玩喇🤪🤪 活動包括1️⃣個迎新日同2️⃣日1️⃣夜嘅宿營🥁🥁當中會有各式各樣嘅大小型遊戲,以及觀星等環節🔭🔭今年嘅主題係「北斗七星明,南原數肩並」,寄予大家喺迷惘嘅世道中仍能結伴同行,一齊向光明前進🌠🌠 活動詳情: 迎新日🎯🎯日期:2/8(一)地點:中文大學 正營🎲🎲日期:8/8-9/8(日至一)地點:賽馬會長洲鮑思高青年中心 報名詳情: 參加費用(早鳥優惠:10/7(六)):$400參加費用:$420(付款方式請參考報名表格)報名日期:即日至17/7(六)報名方式:填妥Google form後堤交報名表格:(link in bio) 疫情之下,規模有限,名額先到先🉐,即使你無天文基礎,都可以放心參加😉😉希望各位踴躍報名🍭🍭 #中計#中學生天文計劃#北斗七星明#南原數肩並#畀中學生玩嘅天文活動#快啲報名啦#好想見到大家

血月來襲

聽日就係🈷️全蝕喇,而且仲有全年最大嘅滿月,比平時嘅直徑大成7%🌕🌕我哋聽日18:30會喺大埔海濱公園度嚟個快閃睇月,有興趣嘅朋友仔就記住嚟喇🙆🏻‍♂️🙆🏻‍♀️ 假如你嚟唔到大埔,你可以去搵一啲面向東至東南↘️↘️並可以望到地平線嘅地方,例如黃埔海濱、杏花邨以及蝴蝶灣泳灘等🌅🌅 等我哋嚟解釋下今次天文現象嘅原理啦😎😎每逢農曆1️⃣5️⃣依段時間,地球就會走到太陽、月亮之間,地球就有機會遮擋到陽光射向月面上🔦🔦太陽同月亮嘅軌道唔喺同一個平面上,所以唯🈶當月亮完全落入地球嘅本影區,先會出現月全蝕。喺依段時間,儘管陽光無法直達月面,但仍有光會被地球嘅大氣層散射✨✨波長越短,散射得越勁,導致我哋見唔到藍光🌀🌀得返銅紅色嘅月亮高掛天上🔴🔴所以佢又叫「血月」🩸🩸 以下喺月蝕嘅過程:半影食始:16:48初虧:17:45月出:18:56食既:19:11食甚:19:19生光:19:26復圓:20:52半影食終:21:50 今次月蝕開始嘅時候,月球仲喺地平線以下,月出嘅時候月蝕已經進行緊,所以稱之為「帶蝕出」💫💫喺香港嘅我哋只能夠睇到月蝕部分階段,亦因為噉,全個月蝕過程都非常近地平線,食甚嘅時候仰角只有3️⃣.8️⃣度。㊗️大家好運喇🤪🤪 #血月來襲#月全蝕#半徑大足7% #帶蝕出#銅紅色月亮#散射#下晝六半大埔海濱公園見#快閃睇月