大家呢排有冇留意天上面既星星有啲唔同左呢😳，原來話咁快已經踏入左春季星座既 時候啦！可能大家會有疑問「乜星座都有分季節架？🤔」因為地球圍著太陽公轉，所 以每個季節睇到嘅星座都會唔同，而季節星座就係指當季夜晚大概10點係天頂睇到既星座😍。 不過並唔係要係當季先可以睇到當季星座架，由日落到日出，一個晚上實際可以睇到三個季節既星座😋！
黎梗就會介紹春季星空既星座🤤！首先就由大家最熟悉既北斗七星開始啦！我地莊名「曣璇」既 「璇」字就係取自北斗七星既天璇😍。北斗七星係春季星空入面好容易就可以辨認到😋， 七粒星排列成勺子既形狀，由斗口開始順序數起就係天樞、天璇、天璣、天權、玉衡、開陽 、瑤光。北斗七星其實位於係大熊座🐻，斗口係大熊既身體，而斗柄就係大熊既尾巴👀。其中開 陽係雙星，古代既人就會利用佢黎測試士兵既視力。如果你都見到開陽既兩粒星，咁就可以準 備入伍啦😏！北斗七星係春季星空入面仲係辨認方向既好幫手😳，將斗口既天樞天璇連埋向北延 長五倍就係北極星（勾陳一）。勾陳一位於小熊座，同大熊座一樣同附近既星排列成勺子既形狀🥄， 所以亦被稱為小北斗。勾陳一之所以被稱為北極星，係因為佢距離天球北極只有一度左右。但由於歲差 嘅關係，唔同時期嘅北極星都會有所唔同，例如天琴座既織女星係都曾經係北極星黎架😎！
除咗星座之外，係唔同季節將天上既亮星連埋一齊仲會見到好多有趣嘅形狀架😳！例 如春季大鑽石、夏季大三角、秋季大四邊、冬季大橢圓等。雖然呢啲只係人想像出黎既形狀 ，但佢地可以幫我地認到好多唔同既星座架🙈。
跟住就翻翻去春季星空啦！順著北斗七星既斗柄（玉衡、開陽、搖光）劃去南方，經過牧夫座 大角星、室女座角宿一，最後到達烏鴉座就會連成左春季大弧線😍！而春季大三角就係由牧夫 座大角星、室女座角宿一同埋獅子座五帝座一連埋既等邊三角形而成🔺。最後再將春季大三角 同獵犬座既常陳一連埋一齊，就係女仔最鍾意嘅春季大鑽石💎！啱啱提到既獅子座🦁其實就係 春季星空嘅星座之王，係好容易認得出既星座😳！其中既軒轅十四係獅子座既亮星，仲係最近 黃道線一等星。除此之外軒轅十四仲係獅子座既心臟❤️，下次睇星既時候要認得佢啦😍。如果大 家想再知多啲其他季節既星座就要繼續keep住留意我地個page啦😎！
(Photo cr to 國立自然科學博物館)
撰文：芮愷程