每次參加中天嘅活動
都可以見到大大小小嘅望遠鏡
有啲長，有啲短??
有啲前面睇，有啲後面睇⬅️➡️
到底佢哋之間有咩分別呢??
適逢朱明中教授送咗支新望遠鏡畀中天??
就等我哋講下唔同制式嘅望遠鏡啦??
—————
望遠鏡起源——折射式望遠鏡??
—————
大家最熟悉嘅望遠鏡應該都會係最經典嘅折射式望遠鏡??
折射式望遠鏡係最起始望遠鏡嘅制式??
顧名思義，運作原理為利用折射光線去成象??
最簡單嘅折射式望遠鏡
係用2️⃣塊透鏡聚焦光線同放大影像
不過現代高級啲嘅折射鏡都有多一兩塊透鏡去提高影象品質??
通常折射式望遠鏡都係一支長筒
要喺鏡嘅後面觀察
本會有嘅折射式望遠鏡例子
就有Vixen EdD192
—————
牛頓解決色差問題——反射式望遠鏡??
—————
望遠鏡一開始只有折射鏡
但色差係折射鏡嘅一大問題??
色差啫係光折射後散成彩虹嘅現象??
對天文觀察十分之唔理想??
所以牛頓就諗出一個解決辦法：如果折射會導致色差
噉唔用折射咪得囉??
牛頓利用一塊凹面反射鏡去聚焦光線??
並成功解決色差問題??
我哋亦以佢命名呢款望遠鏡
牛頓反射式望遠鏡，簡稱牛反??
牛反最明顯嘅特徵就係
前面無玻璃，得一個大窿??
觀察時要喺鏡筒前方嘅側面睇
本會有嘅牛反例子
就有Vixen R130S
—————
折射反射合體——折反射式望遠鏡⚔️⚔️
—————
最後一種常用嘅望遠鏡就係折反射式望遠鏡，簡稱折反?
折反主要係為咗糅合折射同反射鏡嘅長處，互相修正??
重點係焦距??
由於折反嘅焦距會摺埋
所以鏡筒短但係焦距長????
折反鏡通常比較肥
都係喺鏡嘅後面睇
本會有嘅折反例子
就有Celestron 嘅C8
—————
—————
噉之前提到嘅朱教授送贈嘅新望遠鏡係咩制式呢？??
見佢長長嘅碳纖維鏡筒??
又係鏡筒後觀察
可見佢係一支折射鏡??
呢支由物理系系主任朱明中教授慷慨送出嘅望遠鏡十分之高質素????
首先完全睇唔出有色差??
然後係輕身嘅碳纖維鏡筒??
令我哋多咗機會拎出嚟畀大家感受下高質嘅望遠鏡體驗??♂️??♀️
真係完美‼️‼️
再次多謝朱明中教授送畀中天嘅呢份禮物??
我哋一定會好好畀大家體驗一下
有機會嘅話記得要踴躍參與??
—————
望遠鏡當然唔止3️⃣種咁少啦
就算係無透鏡無鏡面嘅都有??
但係常見嘅就係呢3️⃣種
希望大家明白多咗望遠鏡嘅知識睇星時唔好唔識睇喇??
—————
#望遠鏡 #望遠鏡望遠啲 #高矮胖瘦 #望月 #觀星