位於波多黎各嘅阿雷西博射電望遠鏡（Areceibo Telescope）📡📡
喺香港時間12月1號晚上8點左右崩塌😔😔
自從一條懸掛重達900噸儀器平台嘅鋼欖喺8️⃣月脱落之後
工程人員就一直搶修🛠🛠
其後喺1️⃣1️⃣月頭
有第二條鋼欖斷咗🥺🥺
美國國家科學基金會決定將望遠鏡退役🤕🤕
但又不足半個月之後🤧🤧
整個儀器平台從150米高跌落下方嘅望遠鏡反射面🚨🚨
徹底破壞望遠鏡😢😢
阿雷西博天文台 （Areceibo Observatory）喺1963年落成🌎🌎
其中最大嘅望遠鏡——阿雷西博望遠鏡，建於一個天然沉洞🪨🪨
為一個直徑305米嘅球面射電望遠鏡
直到2016年之前都係世上最大嘅單孔望遠鏡💥💥
阿雷西博望遠鏡喺過去50多年嚟為天文作出好多貢獻🎁🎁
包括量度水星自轉周期🛰🛰
發現第一對雙脈衝星等⚓️⚓️
而佢強大嘅發射能力亦令佢成為一個強大嘅雷達👁👁
可以為遠至土星嘅星體製作雷達圖像🪐🪐
亦可以精準地測度小行星嘅形狀、軌道同自轉💫💫
對預測小行星碰撞嘅幫助十分重要☄️☄️
仲有著名嘅阿雷西博訊息——人類向M13球狀星團發送嘅訊息💿💿
裡面有人類同地球嘅資訊💡💡
阿雷西博望遠鏡嘅坍塌係天文學中一大損失🩸🩸
雖然人類已經有更強大嘅射電望遠鏡存在
我哋亦會繼續興建新嘅望遠鏡💪🏻💪🏻
但係阿雷西博望遠鏡對天文學嘅貢獻將會永遠長存😌😌
Image credit: Ricardo Arduengo
—————